Sýnishorn úr giftingarveislunni

Fanney Dóra og Jóhanna - eldhressar Anna Rósa veislustjóri og Heimir tónlistarstjóri

Heimir og Snorri spiluðu undir á gítar langt fram undir morgun

Brúðhjónin sungu að sjálfsögðu með

Addi tók snilldartakta - spurning um að blasta videoinu af kauða hér inn?

Fleiri myndir koma svo seinna...

Ó já...

Jæja, það er ástæða fyrir því að ég er/var þunn, þreytt og hölt í gær. Á föstudagsmorgun skundaði ég norður á Akureyrina, ferðin gekk nokkuð vel og ég keyrði í geggjuðu veðri alla leiðina með Super Mama Djumbo í botni.

---

Föstudagurinn fór í undirbúning fyrir partý aldarinnar, Valla og Addi gengu í það allra heilagasta í apríl og héldu upp á það á laugardaginn. Ofurkonurnar, ég og Valla, fóru snemma í háttinn með nýplokkaðar augabrúnir. Fyrri partur laugardagsins fór svo í að klára undirbúninginn, Chile salatið sló í geng - ótrúlega gott með grillmatnum.

---

Kl 17.00 - Fyrstu gestir mæta á svæðið. Ásdís er enn að taka sig til.

kl. 17.30 - Fleiri gestir mæta. Ásdís brunar út í búð að kaupa innlegg í skóna hjá henni og Völlu

kl. 18.00 - Skálað í fyrsta freyðivínsglasinu, stuttu seinna í glasi nr. 2 og aðeins seinna í glasi nr. 3

kl. 18.30 - Matur - engin steinselja varð eftir í tönnum

kl. 19.00-22.30 - Unnið hörðum höndum að því að tapa sjarmanum. Skemmtilegar ræður og skemmtatriði, mikið hlegið og sungið.

kl. 22.36 - Sjarminn farinn. Friðrik hellir yfir Ásdís rauðvíni. Ásdís skiptir um skyrtu. Haldið áfram að syngja

kl. 03.00 - Rölt af stað í bæinn, farið á Karolínu. Ásdísi langaði að dansa. Hringdi í Önnu Rósu, Önnu Beggu, 118 og eitthvað nr sem hún þekkir ekki.

kl. 03.31 - Ásdís fer af Karolínu og hitti fyrrv einnar úr vinahópnum. Hann elskaði hana víst alveg rosalega mikið. Ásdís þurfti að flýta sér á Kaffi Ak áður en það lokaði. Hljóp berfætt.

kl. 03.38 - Ásdís komin á Kaffi Ak. og dansar með Önnu Beggu og Önnu Rósu, fékk heimboð frá einum 21 árs - afþakkaði það.

kl. 03.45 - Ásdís varð pirruð

kl. 04.00 - Ásdís ætlar með Önnu Beggu á barinn, týndi henni á leiðinni. Fór samt á barinn. Ljósin voru kveikt. Hitti Sæsa, fór aftur á barinn.

kl. 04.15 - Ásdís fór á Hlölla

kl. 04.30 - Ásdís leggur af stað heim í Vanabyggðina, berfætt. Deyr úr hlátri í Skátagilinu.

kl. 05.00 - 05.30 - Ásdís farin að nálagast Vanabyggðina, tapaði sér í símanum - hringdi út um allt.

kl. 05.32 - Ásdís leggst til hvílu í öllu nema skónum

kl. 09.30 - Ásdís vaknar að kafna úr hita. Fer í stofuna, úr lopapeysunni og heldur áfram að sofa.

---

Ótrúlega skemmtilegt kvöld og frábær helgi, heimferðin var erfið - ég ætla ekki að reyna að ljúga. Ég stoppaði á Öxnadalsheiðinni, í Varmahlíð, á Blönduósi, í Víðidalnum, í Staðarskála og í Borgarnesi. Mikið hlegið - mikið sungið. Ég elska Akureyri - það er alltaf svo gaman þar

Ég er...

... hölt, þunn og þreytt eftir frábæra helgi.

Talarðu íslensku?

... var fyrsta spurningin sem ég fékk þegar ég settist með tölvuna og vinnudótið mitt á Hressó nú í morgun. Mér er spurn, lít ég út fyrir að vera voðalega útlensk? Kauða vantaði að vita landsnúmerið fyrir Ísland og taldi víst að ég vissi það ekki fyrst ég væri íslensk.... Hann er sjálfur Íslendingur.

---

Ég prufaði að vera 3ja barna móðir um helgina, ég var í Hafnarfirðinum með Maríu, Önnu og Ottó. Ég fór aðeins í búð á sunnudaginn og fékk pössun fyrir börnin, ég hreinlega nennti ekki að smala öllum í bílinn og fara á milli verslana með þau. Ég tek ofan af fyrir þeim mæðrum sem geta átt 3 börn, haldið sómasamlegt heimili og litið þokkalega út. Ég var eins og drusla og átti fullt í fangi með að halda heimilinu sæmilegu. Þau eru samt svo mikil yndi öll saman, eins og systkini - flott systkini.

---

Við mægður kíktum svo í Hafnarfjörðinn í gær og tókum þátt í smá hátíðarhöldum þar, reyndar lögðum við bílnum á kolvitlausum stað svo meirihlutinn af deginum fór í labb. Þreyttar lappir lögðu sig svo í gærkvöldi með Maríu, við horfðum aðeins á imbann saman en barnið er alveg húkkt á "Age of Love" - skilur reyndar ekkert út á hvað hann gengur en vill alltaf horfa á hann með ástsjúku móðurinni.

---

Annars er snúllan mín að fara til pabba síns á föstudag og kemur ekki aftur til mín fyrr en 2.júlí. Mér finnst það ansi langur tími en hún á eftir að skemmta sér vel, þau hafa líka gott af því að vera saman lengur en 4 daga í einu. Hún verður á leikjanámskeiði í næstu viku svo það kemur í hans verkahring að græja hana fyrir það. Ég er ekki hrifin af svona "pabbahelgarpartýum" og við Nonni höfum lagt áherslu á að hún kynnist daglegu lífi hjá okkur báðum þó hún geri nú fleiri skemmtilegri hluti með honum heldur en með mér. En ég á samt eftir að sakna hennar alveg þvílíkt mikið.

---

Nóg af tuði, Akureyrin á föstudag - ég bara elska Akureyrina og fólkið mitt þar. Partý aldarinnar verður svo á laugardaginn þar sem ég verð salatmeistarinn - smátt skorið!

Af ljótunni og öðrum skemmtilegheitum

Þá er kominn einn einn mánudagurinn, síðasti mánudagurinn minn í vinnunni þar til í ágúst. Næsta mánudag verð ég komin í leyfi og flutt upp á 3.hæð í Odda. Reyndar skýst ég nokkrum sinnum á fundi út í Gimli og sennilegast á ég nú eftir að heimsækja kerlingarnar mínar nokkrum sinnum til að spjalla. Þrátt fyrir að hafa nánast búið í vinnunni síðustu vikur þá eru enn nokkur verkefni sem ég á eftir að klára. Svo er það blessuð MA ritgerðin sem fær að njóta krafa minna í sumar.

---

Annars vaknaði ég með ljótuna í morgun, á háu stigi. Ég vaknaði of seint til að ná að maka henni af mér svo ég hljóp(keyrði) bara í vinnuna, ég hugsaði með mér að ég ætti hvort sem er eftir að vera lokuð inni á skrifstofu í allan dag í samlestri vegna brautskráningarinnar en annað kom á daginn. Þau fáu skipti sem ég var frammi hitti ég fullt af fólki, fólki sem mig langaði ekkert að hitta með ljótuna. Það er svo týpískt. Húðin á mér er öll í fokki, þurrkublettir og bólur og augabrúnirnar eru ekki til umræðu. Ég held að fína andlitskremið mitt sem ég sjoppaði úti á Tenerife sé að gera mér einhvern óleik, spurning um að skipta bara í Nivea - það virkar alla vega fínt.

---

Næst á dagskrá er að ná ljótunni af fésinu áður en ég fer til Akureyrar, koma mér í lærdómsgírinn, undirbúa nokkur viðtöl og missa nokkur kg - öll töfrabrögð í þeim efnum eru vel þegin.

Sleepy sunday

Í dag er sunnudagur, crazy vinnuvika að baki og önnur crazy að banka upp á. Ég held ég hafi sjaldan verið eins þreytt eins og á föstudagskvöldið þegar ég hlunkaðist til Maju að passa, ég svaf á mínu græna alla nóttina og eins og góðri barnapíu sæmir vaknaði ég ekki við börnin um morguninn heldur svaf til hádegis... Ég fór þá heim og sofnaði aftur.

Guðrún bauð okkur Sunny í Eurógrill í gærkvöldi, kvöldið var rosalega fínt í alla staði en ég komst aldrei í partýgírinn - þetta var bara eitt af þessum kvöldum. Ég var bara ógeðslega þreytt og fór snemma heim. Ég svaf í pörtum fram undir morgun, og lagði mig svo aftur seinni partinn - það er svo gott að sofa þegar maður er freyttur skratti.

Ég verð svo eiðarlaus á sunnudagskvöldum - ég skil þetta ekki. Mig langar að Vallan mín búi hérna í húsinu og komi með mér á kaffihús og ræði helstu málefnin eins og í den... bara einn bolli - það var næs. Ohh mig langar á kaffihús núna.

---

En hvernig líst ykkur annars á þessa mynd af mér og Nonna í útskriftinni minni í október 2005??? Við skulum hafa það á hreinu að ég er bara 24 ára þarna.... Af hverju sagði enginn neitt? Ég er hræðileg á þessum myndum

It´s complicated....

Mér leiðist, ég nenni ekki að fara að sofa en ég veit að ég ætti að gera það - mér leiðist of mikið til að nenna í rúmið. Mig langar svo margt og hugurinn er all over the place

• Mig langar að kaupa mér ný húsgögn, en why? ég er að fara flytja eftir hálft ár
• Mig langar að flytja en ég hef ekki efni á því
• Mig langar að mála íbúðina en ég má það ekki
• Mig langar að búa á Akureyri en mamma og Mæja þurfa þá að flytja líka
• Mig langar að í augnbrúnatattú, gervineglur, sílikón og sixpakk en ég nenni ekki að hreyfa mig og hitt er of dýrt til að spreða í það svona á sunnudegi
• Mig langar að læra eitthvað annað en fötlunarfræði en ég er samt eiginlega búin með hana. Mig langar í stjórnmálafræði en það er fáránlegt að vera með 2 BA próf
• Mig langar að fara til útlanda í nám en það er bara svo flókið og dýrt
• Mig langar í stelpuferð til útlanda en bara
• Mig langar að vera sjálfstæð og geta gert allt sem mig langar til

Hvað skal mann þá gjöra? ohhh

Akureyrin og gamli skrafurinn

Það var geðveikt á Akureyri - viðbjóðslegt veður á leiðinni en frábært á Eyrinni. Fermingin var fín, áfengið rosalega fínt og félagsskapurinn rosalega góður. Myndirnar eru hér... --- En ég bara varð að stela þessum brandara af öðru bloggi Kona nokkur ákveður að fara í andlitslyftingu á afmælisdegi sínum, eyðir í það 500.000 krónum og er bara nokkuð ánægð með árangurinn. Á leiðinni heim kemur hún við í hreinsun og hreinlega getur ekki hamið sig og spyr afgreiðslumanninn, "Hve gömul myndir þú halda að ég sé"? "Svona 32 segir maðurinn". "Ég er reyndar 47", segir konan ánægð. Skömmu síðar er konan stödd á veitingastað og spyr þjóninn "Hve gömul myndir þú halda að ég sé"? "Þú ert svona 29 ára", svarar þjónninn. "Ekki aldeilis, ég er 47 ára" segir konan og glottir við tönn. Konan er orðin virkilega ánægð með þessa ákvörðun sína og þar sem hún stendur fyrir utan veitingastaðinn og bíður eftir leigubíl getur hún ekki á sér setið og spyr eldri mann sem stendur við hlið hennar. "Hve gömul myndir þú halda að ég sé"? Hann svarar, "Ég er 78 ára sjálfur og sjónin er farin að daprast. En ég komst að því sem ungur maður að það er til örugg aðferð til að segja til um aldur kvenna. Ég þarf þó að lauma hendinni ofan í buxurnar þínar til þess að finna þetta út, en þá veit ég það nákvæmlega. Eftir mikla umhugsun konunnar segir konan afar forvitin, "jú, jú, kannaðu það sem kanna þarf". Gamli maðurinn bíður ekki boðanna og setur höndina mjúklega ofan í buxur konunnar, fyrst annarri og síðan báðum og kannar þessi ókunnu lönd af mikilli gaumgæfni og segir svo, "þú ert 47 ára". Konunni verðu mikið brugðið og segir það hárrétt en spyr líka hvernig í áranum hann hafi farið að þessu. Gamli maðurinn svarar, "Ég sat á næsta borði við þig á veitingastaðnum hérna áðan".

Akureyris og stjörnunar

Jamms, mín er að fara að leggja í hann til Akureyris... færðin er ekta ég, hálka og éljagangur - lovly. Stjörnurnar eru fyndnar í dag, ég flétti upp stjörnuspánni minni eins og ég geri ansi oft. Sunny, um hvað vorum við að tala í gær? Naut: Þú ert klár og heilbrigður í kollinum, og langar að eiga viðskipti við þína líka. Það er ekkert skrýtið, en einhver öfl eru vilja endilega stríða þér. hahhahahaha

Hamstraslys og kynlíf

Hamsturinn okkar, hún Stjarna, lenti í alvarlegu slysi í dag (eða gær... donnó - dýrið er ekki í uppáhaldi). Þegar ég kom heim í dag heyrði ég hana væla í búrinu sínu og þeir sem eiga hamstra vita sennilega að sjaldnast heyrast hljóð frá þeim. Nema hvað þegar ég leit á dýrið var það búið að festa sig í búrinu á öðrum fætinum. Með snarræði vippaði ég mér í þvottapoka og hóf björgunarstörf. Dýrið er þekkt fyrir að bíta ansi hressilega á ólíklegustu tímum svo ég tók enga sénsa með sárþjáð dýrið. Ég náði að losa greyið en hún átti mjög erfitt með gang, haltraði og átti í mesta basli með að koma sér áfram. Samviskubitið yfir því hvað ég hef hugsað illa um greyið drap mig næstum því svo það var brunað út í búð og keypt nýtt búr sem ómögulegt er að slasa sig í, fullt af vítamínum, nammi og hamstraleikföngum. Dýrið er aðeins að braggast núna, hleypur á þremur fótum og leikur sér í nýja dótinu. --- En kynlífið, ég held ég sé alveg búin að gefa það upp á bátinn að fara í doktorsnám. Meistari Leno "kynnti" niðurstöður nýrrar könnunar í þættinum áðan og þar kom fram að eftir því sem gáfaðari konur væru því lélegri væru þær í rúminu og ættu erfiðara með að fá fullnægingu. Tek hann á orðinu, algjörlega.

Sumarið komið...

Sumri var fagnað með viðeigandi hætti í dag... í kulda og rigninu. Merkilegt að við skulum halda upp á þennan dag, ég man ekki eftir sumarlegu veðri þennan dag alla mína tíð. En það að sumardagurinn fyrsti sé að kvöldi kominn þýðir að.... ..... fullt af grunnskólanemendum eru að læra fyrir samræmd próf ..... fullt af háskólanemendum eru að læra fyrir vormissserispróf ..... fullt af háskólanemendum eru að fá magasár yfir lokaritgerðunum sínum og og og það sem mestu máli skiptir..... ég á afmæli eftir 2 daga!

Brjóst eru bara brjóst

"Femínistafélag Íslands stendur fyrir mótmælum gegn hlutgervingu kvenlíkamans í Vesturbæjarlauginni kl. 17.00 í dag. Klámfengnar myndir af stöðluðum konum tröllríða fjölmiðlum og almannarými, þó fátt sé fegurra en kvenlíkaminn í öllum sínum fjölbreytileika. Að skylda konur til að hylja brjóst sín í sundi lýsir lostafullum kenndum þeirra sem reglurnar setja. Nú er kominn tími til að konur skilgreini eigin líkama upp á nýtt og ákveði sjálfar hvort brjóst þeirra skuli hulin eður ei.

Konur - mætum berar að ofan í sund kl. 17.00 í dag"

Ég veit ekki stelpur - en ég er of sperhrædd til að mæta, silicon myndi kannski redda því :) Sennilegast er það frúin sem var rekin úr sundlauginni í Hveró sem startaði þessu

Brilliant kvöld

... á föstudaginn eftir vinnu komst að því að partý sem ég hélt að búið væri að cancela væri on. Ég var ekki í stemmaranum en ákvað nú samt að kíkja og ég hef sjaldan hlegið eins mikið, drukkið eins mikið og sofnað eins seint. Við Guðrún fengum Gunna til að keyra okkur upp í Mosó því gamli vinahópurin ætlaði að hittast og tjútta saman. Mæting var heim til Sigga Palla sem var í gamla daga íbúðin hans Davíðs Jóns - án gríns þá vorum við ekki alveg að rata þetta en komumst þó á leiðarenda. Heim til Sigga Palla komu Erna, Kolla Svans, Davíð Jón, Anna Heidi, Siggi Valli, Svanni og einhverjir fleiri (less important people hahha) --- Gamlar myndir, gamlar minningar - margar tengdar þessari blessuðu íbúð- og börnin okkar voru umræðuefnið. Frá Sigga Palla fórum við á Players þar sem ég hitti konu úr uppeldisfræðinni sem ég lofaði að skipuleggja hitting fyrir (Hildur, Valla, Ingunn og þið uppeldisfræðiskvísur - við eigum að fara að hittast). Af Players fórum við upp í Mosó heim til Davíðs Jóns þar sem setið var og borðað og drukkið milli þess sem við grétum úr hlátri til að vera sjö. --- Eníveis, frábært kvöld. Takk allir saman - myndirnar eru hér - ritskoðaðar :)

Að feisa höfnun...

... er greinilega hluti af því að öðlast MA gráðu, þeas ef maður vill fá einhvern til að styrkja sig. Ég hef verið að fá í hús nokkur svör við styrktarbeiðnum sem ég sendi út í lok febrúar. Einn aðili ætlar að leggja erindið fyrir á fundi um mánaðarmótin, annar aðili óskaði eftir frekari upplýsingum en allir aðrir hafa ekki séð sér fært um að styrkja mig. Neitunarbréfin hafa verið mjög fjölbreytt, allt frá því að vera stuttorð þar sagt að ekki sé hægt að verða við beiðni minni að langorða vangveltum um verkefnið og ég hvött til þess að ljúka þessu enda mikilvægt málefni. Eitt bréfið vakti þó athygli mína, þar kemur fram að aðilinn sjái ekki gangsemi þess að styrkja þetta verkefni og því verði ekki við styrk. Sá aðili er frekar stórt batteríi á þessu sviði, með þeim stærri á landinu. Ég er að velta því fyrir mér hvort ég eigi að senda þeim viðbótarupplýsingar þar sem "gagnsemin" er ítrekuð. Ég var eiginlega bara hissa og hneyskluð. Nú er bara að bíða eftir frekari svörum, sennilega skríða síðustu svörin í hús í lok sumars. En eitt er víst, ég verð orðin ansi sjóuð í því að feisa höfnun þegar ég tek við prófskírteininu - hvenær sem það verður.

5. dagur í ofáti og eigingjarnir foreldrar

Heil og sæl... 5 dagur í ofáti - sjésé hvað við erum búnar að hafa það notalegt og borða allt allt of mikið. Skírdagur - "matarboð" hjá okkur: hamborgarhryggur. Föstudagurinn langi: Matarboð í Hafnarfj.: hamborgarrhryggur. Laugardagur - "matarboð" hjá okkur: Pestókjúlli, súkkulaðikaka, nammi og salsa. Páskadagur - matarboð í Garðabænum: Bayonne skinka og fullt af kökum + páskaegg allan daginn. Annar í páskum - "matarboð" hjá okkur: Party skinka og páskaegg. Við erum ss búnar að borða vel yfir okkur þessa dagana - og við fáum aldrei leið á reyktu svínakjöti og getum ekki beðið eftir því að það sé kominn tími á að borða skinkuna góðu. Á milli þess sem við höfum borðað höfum við legið yfir TV, farið í bíó, þrifið og haft það notalegt. Ekta páskafrí - ég man ekki til þess að hafa tekið neitt páskafrí af viti frá því María fæddist, ég hef alltaf verið á haus í verkefnum og þótt ég hafi nóg að gera í þeim efnum ákvað ég að vera skemmtileg mamma þessa páska og hlaða batteríin hjá okkur báðum fyrir næstu tarnir.

---

En út í allt annað. Ég átti gott spjall um daginn um eigingjarna foreldra og börn þeirra, ss börn fráskildra foreldra. Ég hef ekkert þol, ekki snefil af þoli fyrir foreldrum sem hugsa bara um sinn rass en ekki barnanna. Þegar foreldrar barna búa ekki saman flækjast óneitanlega ýmis mál er varða barnið, en hversu fólkin þau verða er val foreldranna og þeirra skylda er að halda börnunum fyrir utan þessi mál eins og hægt er. Sem betur fer ákváðum við Nonni frekar fljótlega að jarða þann ágreining sem ekki skiptir máli og snúa okkur að Maríu - einstaka stuttar rimmu hafa jú komið upp en það að vera reiður og sár er val. Ég persónulega nenni ekki að eyða orkunni í að vera reið út af einhverju eða sár vegna einhvers sem mun ekki bæta líf mitt og Maríu að neinu leyti í dag.

---

Dæmi: Fólk á barn saman en býr ekki saman lengur, annar aðilinn er kominn í nýja sambúð en hinn ekki. Þegar barnið á afmæli, þá skal halda tvö afmæli - eitt fyrir móðurfjölskylduna og annað fyrir föðurfólkið. Af hverju? Jú því foreldrunum finnst svo óþægilegt að vera saman með nýja makanum eða what ever - mitt svar I don´t care! Hvað með barnið?

---

Annað dæmi: Barnið er að útskrifast úr framhaldsskóla. Pabbinn vill ekki koma á útskriftina því mamman er þar með nýja manninn því honum finnst svo óþægilegt að vera á sama stað og hann. Mitt svar I don´t care! Hvað með barnið?

---

Svo þegar barnið er orðið fullorðið er það búið að læra þennan leik og fær í magann í hvert skipti sem einhver áfangi nálgast sem hef er fyrir að hafa fjölskylduna með, td skírn, afmæli, barnaafmæli, gifting og allt það. Fullorðna barnið þarf þá að hafa allt þægilegt fyrir foreldrana sama hversu óþægilegt því finnst ástandið vera.

---

Mitt líf er langt frá því að vera fullkomið en það mun aldrei vera þannig að María þurfi að dansa í kringum okkur Nonna svo okkur finnist þægilegt. Á Páskadagsmorgun voru ansi súrealískar aðstæður hér á heimilinu - óþægilegar fyrir fullorðna fólkið en María var í essinu sínu. Við vorum ss þrjú fullorðin að japla á páskeggjum með barninu. Mér finnst mjög mikilvægt að sýna henni að við séum öll sátt við lífið og tilveruna og séum öll vinir. Aldrei nokkurn tíman mun ég fara fram á það að Nonni haldi sér afmæli fyrir sitt fólk og ég veit að hann mun aldrei gera þá kröfu á mig. Sem betur fer erum við mjög góðir vinir, en það er val. Við hefðum auðveldlega, mjög auðveldlega lagst í ævilangt stríð en við völdum að fara vinaleiðina með hagsmuni Maríu að leiðarljósi.

---

AMEN (þetta var páskahugvekja einstæðu móðurinnar)

Rannís, árshátíð, kaffihús..

Frábær helgi að baki!

Rannís: Skilaði á föstudaginn - það var ansi skrítið að skila þessu inn sem maður er búinn að væflast með síðustu vikurnar. Hörkuvinna sem virðist samt vera svo lítil þegar búið er að steypa öllu á 10 blaðsíður. Ég held ég hafi aldrei skrifað eins knappan og efnismikinn texta á eins fáar blaðsíður. Á bak við þessar 10 blaðsíður eru eitthvað um 50 heimildir.

---

Árshátíð HÍ: ... á laugardagskvöldið. Mætti "hæfilega" seint í fyrirpartýið eða korteri áður en rútan fór í Gullhamra - náði nú samt að slátra einu rauðvínsglasi áður. Íris ofurpæja gerði mig súpersæta - ég hef barasta aldrei verið svona fín. Hárið var pörfekt og meikoppið brilliant. Hitti eina "óæskilega" á árshátíðinni sem var þvílíkt lásí - bara með heimatilbúið hár hehehe. En árshátiðin var þvílík snilld, veislustjórinn var með þeim fyndnari sem ég hef hlustað á. Fjöldasöngur var á heila og hálfa tímanum og Sniglabandið spilaði svo fyrir balli með Stebba Hilmars í brúnni. Í vinnunni heyrðist í dag að árshátíðin minnti helst á þorrablót í Húnavatnssýslum enda veislustjórinn ættaður frá Höllustöðum. Féll í misjafnan jarðveg en ég fílaði það í tætlur. Dísin söng eins og brjálæðingur og dansaði alveg eins og hún ætti ekkert eftir ... það var greinilegt að Stebbi þarf ekki Sálina til að fá lögin þeirra til að virka. Ég var svo komin heim um tvö - ótrúlega fínn tími. Engin þvinka að ráði á sunnudaginn og bömmer í algjöru lágmarki.

---

Kaffihús: Við Hildur Halla skelltum okkur á kaffihús í gærkvöldi - eitthvað sem við höfum ekki gert lengi lengi. Ótrúlega næs að sitja saman í kuldanum á Hressó. Einu sinni fór maður á kaffihús í hverri viku en núna er það kannski einu sinni í mánuði, iss piss. Mjög gaman að sitja og spjalla um allt og ekkert eins og okkur einum er lagið.

---

Ég var eiginlega bara í skýjunum í gærkvöldi þegar ég sofnaði. Það var eitthvað svo ótrúlega gaman um helgina, fullt af skemmtilegum hlutum í gangi og Dísan sátt við lífið og tilveruna.

... á flugi

Merkilegt nokk þá finnst mér alltaf svo notalegt að farast úr stressi fyrir stór skil - ég skil þetta ekki. Ég þrífst ótrúlega vel í stressuðu umhverfi - það er að segja ef ég ræð við aðstæðurnar og þær eru ekki yfirþyrmandi. Eníveis, ég fór heim úr vinnunni á réttum tíma í dag sem hefur ekki gerst í talsvert langan tíma þannig að ég var að læra í dagsbirtu - sömuleiðis langt síðan síðast. Á morgun verður stuttur vinnudagur, 13-15 svo ég nái að klára þetta annað kvöld og get mætt galvösk í vinnuna á föstudag. Tilgangslaust blogg - mig vantaði bara smá pásu :) Svo bara alllir að krossa putta næstu þrjá mánuði og vona að ég fái þennan blessaða styrk - líkurnar eru víst alveg stjarnfræðilega litlar þetta árið en maður á ekki séns nema maður sé með miða, eða hvað?

Óheppin eða bara klaufi?

Dagurinn í dag...

-

Ég stökk á fætur kl. 6 því ég hélt að ég væri að sofa yfir mig... ætlaði að vakna kl. 7. Ég var tímanlega út á flugvöll og allt gekk vel þar til kynning í MÍ var búin, þá flaug ég svo illilega aftur fyrir mig að ég lá kylliflöt á bílastæðinu fyrir utan skólann. Við græjuðum kynninguna í Háskólasetrinu og ákváðum að kíkja á kaffihús - við vorum 3 sem ákváðum að ganga þennan stutta spotta og vitið menn, ég flaug fram fyrir mig og faðmaði snjóinn. Kynningin í setrinu gekk vel en þegar búið var að ganga frá öllu tók ég töskuna mína upp og hvað haldiði? Ég gleymdi að loka töskunni svo allir bæklingarnir flugu út á gólf. Svo var komið að því að taka flugið heim og hvað haldiði - ég átti sæti í 13D en það var engin sætaröð nr 13! Ég fékk annað sæti í vélinni.

-

Eftir daginn er ég að drepast í rófubeininu eftir afturbyltuna og öxlinni eftir frambyltuna. Egóið er sært og ég er að spá ... kalt mat, er ég óheppin eða klaufi?

Bíssí as hell

Síðasta vika var kreisí og þessi virðist ætla að verða það líka... í hnotskurn: Mánudagur - Vinna og skóli. Anna María átti afmæli og við kíktum aðeins á hana. Skólamálin komust loks í eitthvað ferli. Andlegu batteríin illa hlaðin. Stússast í styrkjamálum. Fór seint að sofa. Þriðjudagur - Vinna og skóli. Andegu batteríin tæmd um hádegi. Flugvél tekin til Akureyrar beint úr vinnunni. Kvöldmatur og kaffisopi með Völlunni minni - afskaplega notalegt. Sofnað tiltölulega snemma. Miðvikudagur - Kynningarstúss. Pæjugírinn settur á fullt. Kynning í VMA. Kynningartúr um HA - rosa flott, mín varð bara "pínu" abbó. Rakst á suma og spjallaði við aðra. Sötraði gott kaffi á Jafnréttistofu. Kvöldmatur hjá Völlunni minni. Náði ekki að hitta nýjasta fjölskyldumeðliminn á Akureyri. Flugvél til Reykjavíkur. Sofnaði seint. Fimmtudagur - Kynningarstúss. Pæjugírinn frh. Flugvél tekin til Egilsstaða. Kynning í ME. Kaffisopi á krúttlegu kaffihúsi. Rúntur um sveitirnar í kringum bæinn með skemmtilegu fólki. Rakst ekki á neinn. Flugvél tekin til Reykjavíkur. Sofnaði mjög snemma. Föstudagur - Mamma. María veik. Sjónvarpsgláp og Tölvustúss. Gettu Bettur. Lærdómur. Sofnaði tiltölulega snemma Laugardagur - Útstálesi. Lærdómur. Fermingarveisla í Keflavík. Sumarbústaður við Laugarvatn. Heitur pottur. Pestó kjúlli. Hvítvín. Breezer og Singstar. Sunnudagur - Sunnudagur. Barnaafmæli. Lærdómur. Mánudagur - Vinna og skóli. Kynning á MA ritgerð. Heimilisþrif. Lærdómur. Þriðjudagur - Vinna og skóli. María sótt snemma - meiddi sig í illa í skólanum. Lærdómur. Fer sennilega seint að sofa. I morgen fer ég svo til Ísafjarðar - ég elska að fljúga til Ísafjarðar, ég elska fjallið sem mér finnst flugvélin alltaf vera að rekast í þegar hún flýgur inn fjörðinn, ég elska trygginguna fyrir því að það verði ekki ófært... En ég útskrifaðist um síðustu helgi! Með diploma í fötlunarfræðum :) Reyndar námskeið sem ég kláraði vorið 2006 en fattaði ekki fyrr en um daginn að ég græddi eitthvað á því að útskrifast með þau - góð meðmæli fyrir mig og mitt starf :)

Laugardagur með múttu, mataræði, þriðji lyfseðillinn og allt hitt

Eins og alla jafna annan hvern laugardag bíðum við mæðgur spenntar eftir Spaugstofunni og Laugardaglögunum. Sú yngri fylgist vel með öllum lögunum og fær að kjósa uppáhaldslagið sitt. Sú eldri fylgist með og lánar símann fyrir kosninguna. Til að toppa kvöldið reynum við að búa til partýstemmara með nammi til að narta í... ég er óðum að ná upp öllum kílóunum sem ég missti vegna kirtlatökunnar :( Kannski ekki skrítið miðað við mataræðið, ég sukka þvílíkt þessa dagana en ég afsaka það með því að segja mér að það sé svo tómlegt hjá mér núna (ég er svo dugleg að finna afsakanir sem henta hverju sinni) --- Annars ætlar vesenið út af þessum blessuðu hálskirtlum engan endi að taka. Ég fór í aðgerðina 18.des, 5. janúar kom í ljós að ég var komin með sýkingu í sárið og í gær kom í ljós að ég er komin með sýkingu í bragðlaukana svo að ég fór og leysti út þriðja lyfseðilinn vegna þessarar blessuðu aðgerðar. --- En að öllu alvarlegri málum, takk fyrir öll kommentin við síðustu færslu. Ég vona að þetta sé loksins að komast í réttan farveg. Þið sem standið mér næst fáið að frétta af því, mér finnst algjör óþarfi að fara út í smáatriði hér á netinu - ég þurfti bara rétt að pústa um daginn.